ЙЎЛЛАРДАГИ КАМЧИЛИКЛАРГА ЙҲХББ ЭМАС, ЙЎЛ ЭГАСИ ЖАВОБГАР БЎЛАДИ

Янги Ўзбекистон шароитида Йўл ҳаракатини ташкил этишга доир нормаларни ўз ичига олган 7 та боб ва 58 та моддадан иборат “Йўл ҳаракати тўғрисида”ги Қонун кучга кирди.

Қонун билан илк бор Йўл эгасининг ҳуқуқ ва мажбуриятлари белгилаб берилди ва йўлларда транспорт воситаларининг хавфсиз ҳаракатланиши учун барча шароитларни яратиш Йўл эгасининг зиммасига қатъий юклатилди. (15-модда. Йўл эгасининг ҳуқуқ ва мажбуриятлари)

Қонунга кўра Йўл ҳаракатини ташкил этишда 

-транспорт оқимларини бошқариш, 

-йўлларнинг ўтказувчанлик қобилиятини ошириш, 

-светофор объектларини тизимли бошқариш, 

-пиёдалар ва велосипедчилар ҳаракатини хавфсиз таъминлаш, 

-йўналишли транспорт воситаларининг устуворлигини жорий этиш, 

-йўлдан ташқарида тўхтаб туриш жойларини ривожлантириш ҳамда 

-транспорт воситаларининг ҳаракатланишини чеклаш 

ёки тақиқлаш каби асосий тадбирларни амалга ошириш белгилаб қўйилди.

Янгибозор тумани юридик хизмат кўрсатиш маркази.