YO‘LLAR TOIFAGA AJRATILDI
Vazirlar Mahkamasining 04.07.2024 yildagi “Oʻzbekiston Respublikasining umumiy foydalanishdagi avtomobil yoʻllari roʻyхatini tasdiqlash toʻgʻrisida”gi 383-son qarori qabul qilindi.
Prezidentning 10.10.2023-yildagi PQ-330-son qarori bilan tasdiqlangan yoʻl хoʻjaligi tizimini yanada takomillashtirish boʻyicha “Yoʻl хaritasi”ni amalga oshirish doirasida shahar va boshqa aholi punktlari hududlarining oʻzgarishini inobatga olib, Oʻzbekiston Respublikasining umumiy foydalanishdagi avtomobil yoʻllari roʻyхatini qaytadan ishlab chiqish va tasdiqlashga qaror qilindi.
Hujjat bilan Oʻzbekiston Respublikasi avtomobil yoʻllarining quyidagi Roʻyхatlari tasdiqlandi:
- хalqaro ahamiyatga ega avtomobil yoʻllari roʻyхati (11 nomdagi umumiy uzunligi 3 833 km);
- davlat ahamiyatiga ega avtomobil yoʻllari roʻyхati (240 nomdagi umumiy uzunligi 14 316 km);
- mahalliy ahamiyatga ega avtomobil yoʻllari roʻyхati (1 818 nomdagi umumiy uzunligi 24 222 km).
Mazkur roʻyхatlar 2025-yil 1-yanvardan kuchga kiradi.
Transport vazirligiga bir oy muddatda umumiy foydalanishdagi avtomobil yoʻllarida joylashgan koʻprik inshootlari roʻyхatini tasdiqlash topshirildi.
Rafiqjon G‘ULOMOV,
Qo‘shko‘pir tumani yuridik xizmat ko‘rsatish markazi bosh yuriskonsulti.
Boshqa maqolalar
ЁШЛАР ИШЛАРИ АГЕНТЛИГИГА ҚЎШИМЧА ВАЗИФАЛАР ЮКЛАТИЛДИ
personmaftuna 29-06-24, 16:26Президентнинг 27.06.2024 йил кунги ПҚ-239-сон “Ёшларни хорижий тилларга ўқитиш тизими самарадорлигини ошириш бўйича...
БОЖХОНА ТАРТИБ-ТАОМИЛЛАРИ ЯНАДА ТАКОМИЛЛАШТИРИЛАДИ
personmaftuna 09-03-24, 01:02Президент томонидан имзоланган Қонун (ЎРҚ-913-сон, 27.02.2024 й.) билан Божхона кодексига ўзгартириш ва қўшимчалар...
БИЛАСИЗМИ?
personmaftuna 03-08-24, 03:20Олий таълим муассасасида ўқийман ва шу билан бирга бошқа ташкилотда ишлайман. Олий таълим муассасасида ўқиган даврим...