BYUDJET MABLAG'LARIDAN FOYDALANISH USTIDAN MOLIYAVIY NAZORAT KUCHAYTIRILADI
“Byudjet mablag'laridan foydalanish ustidan moliyaviy nazoratni kuchaytirish bo'yicha qo'shimcha chora-tadbirlar to'g'risida”gi Prezident Farmoni (PF-100-son, 10.07.2024 y.) qabul qilindi.
Farmonga ko'ra, quyidagilar amalga oshiriladi:
O'zbekistonning konsolidasiyalashgan byudjeti ijrosi tashqi auditdan o'tkaziladi va natijasi bo'yicha tegishli xulosalar tayyorlanadi;
2025-yildan ustav fondida (ustav kapitalida) davlat ulushi 50 foiz va undan ortiq bo'lgan yirik tashkilotlar faoliyatini auditdan o'tkazish amaliyoti yo'lga qo'yiladi;
strategik va axborot texnologiyalari auditi turlari joriy etiladi;
Hukumat tomonidan O'zbekistonning konsolidasiyalashgan byudjeti ijrosi to'g'risidagi yillik hisobotni Hisob palatasiga tashqi audit o'tkazish va baholash uchun hisobot yilidan keyingi yilning 5 martigacha yuborish tartibi belgilandi.
2024-yildan O'zbekistonning barqaror rivojlanish sohasidagi milliy maqsad va vazifalariga erishish dasturlarining ijrosi har yili Hisob palatasi tomonidan baholashdan o'tkaziladi hamda natijalari yuzasidan Prezidentga hamda Oliy Majlis Qonunchilik palatasiga hisobot kiritiladi.
Raisa TIMOFEYEVA,
Qo‘shko‘pir tumani yuridik xizmat ko‘rsatish markazi bosh yuriskonsulti.
Boshqa maqolalar
DAVLAT XIZMATCHISI TADBIRKOR YOKI UNING MUASSISI BO‘LISHI
(O‘zbekiston Respublikasining O‘RQ-788-son Qonuni 13-moddasida Davlat fuqarolik xizmatini o‘tash bilan bog‘liq...
SANOAT NAMUNASIGA PATENT BERISH QOIDALARI BELGILANDI
Adliya vazirining buyrugʻi bilan sanoat namunasiga patent berish uchun talabnoma rasmiylashtirish, topshirish va koʻrib...
Y.XO‘JAMURATOVA, Yangiariq tumani yuridik xizmat
Prezidentning 18.01.2024-yildagi PF-15-sonli «Qishloq хoʻjaligiga moʻljallangan yer uchastkalarini ijaraga berish...