QISHLOQ XO'JALIGI VA OZIQ-OVQAT SOHASIDAGI ISLOHOTLAR JADALLASHTIRILADI
“Qishloq xo'jaligi va oziq-ovqat sohasidagi islohotlarni jadallashtirish bo'yicha qo'shimcha chora-tadbirlar to'g'risida”gi Prezident Qarori (PQ-227-son, 20.06.2024 y.) qabul qilindi.
Qarorga ko'ra, davlat muassasasi shaklida “Qishloq xo'jaligi va oziq-ovqat sohasidagi loyihalar markazi” loyiha ofisi (Loyiha ofisi) tashkil etiladi.
Loyiha ofisi har oyda qishloq xo'jaligi va oziq-ovqat sohasini isloh qilish holati, amalga oshirilayotgan chora-tadbirlar, islohotlarni amalga oshirishga to'sqinlik qilayotgan omillar va ularni bartaraf etish yo'llari to'g'risida Prezident Administratsiyasiga axborot kiritib boradi.
Qishloq xo'jaligi vazirligi va Loyiha ofisi tomonidan:
🔹2024-yilda:
-meva-sabzavot va oziq-ovqat mahsulotlari sifatini tekshirish va eksport ulushini oshirish uchun Samarqand, Farg'ona va Toshkent viloyatlarida xalqaro talablarga mos bo'lgan 3 ta zamonaviy laboratoriya tashkil etish choralari ko'riladi.
🔹2024/2025 o'quv yilidan:
- agrar sohadagi oliy ta'lim muassasalari talabalari bilimini, pedagoglarining malakasini oshirish hamda ilmiy-tadqiqot muassasalarining ilmiy xodimlari faoliyatini xalqaro tajribalar asosida baholash tizimi takomillashtiriladi;
-Toshkent davlat agrar universitetida ta'lim yo'nalishlari bosqichma-bosqich xalqaro akkreditatsiyadan o'tkaziladi.
Loyiha ofisiga tegishli vazirlik va idoralar, ularning tizimidagi muassasalar, ilmiy-tadqiqot muassasalarining tajribali mutaxassislarini bozor konyunkturasidan kelib chiqib, shartnoma asosida Loyiha ofisi faoliyatiga jalb qilish huquqi beriladi.
J.OTAJONOV,
Urganch tumani yuridik xizmat ko‘rsatish markazi boshligʻi.
Boshqa maqolalar
YOSHLAR ISHLARI AGENTLIGI VAZIRLAR MAHKAMASI TASARRUFIGA
personmaftuna 05-03-24, 22:24Prezidentning 20.01.2024-yildagi PF-18-sonli «Yoshlar siyosati va sport sohasida davlat boshqaruvi tizimini...
AYRIM FUQAROLARGA ELEKTR ENERGIYASI VA GAZ UCHUN
personmaftuna 30-04-24, 00:21Vazirlar Mahkamasining 16.04.2024-yildagi “Yoqilgʻi-energetika sohasida bozor me х anizmlarini joriy etishning...
BEGONА SHАXSLАRNI UYDАN ROʼYXАTDАN CHIQАRISH UCHUN ULАRNING
personmaftuna 31-01-24, 02:23Vazirlar Mahkamasining 05.01.2024-yildagi “Mulk huquqining daxlsizligini ishonchli himoya qilish boʼyicha...