DAVLAT XARIDLARI TIZIMIDA JAMOATCHILIK NAZORATI KUCHAYTIRILADI
“Davlat xaridlari tizimini takomillashtirish va unda kichik tadbirkorlik subyektlari ishtirokini rag'batlantirish chora-tadbirlari to'g'risida”gi Prezident Qarori (PQ-249-son, 10.07.2024-y.) qabul qilindi.
Qarorga ko'ra, 2024-yil 1-sentyabrdan elektron do'kon vositasida davlat xaridlarini amalga oshirishda narx va boshqa sharoitlar teng bo'lgan hollarda, belgilangan mezonlarning biri asosida nogironligi bo'lgan shaxslar, xotin-qizlar va yoshlarning bandligini ta'minlagan kichik tadbirkorlik subyektlarining takliflari ustunlikka ega bo'ladi.
2024-yil 1-sentabrdan 2025-yil 31-dekabrgacha kichik biznesga ko'maklashish markazlari yordamida ishlab chiqilgan loyihalar doirasida import qilinadigan asbob-uskunalarni sug'urtalash hamda xomashyo va materiallarni sertifikatlash xarajatlarining 50 foizigacha qismini, biroq BHMning 30 baravaridan (10 mln 200 ming so'm) oshmagan miqdorda qoplab beriladi.
Davlat xaridlari tizimini yanada takomillashtirish va ushbu tizimda jamoatchilik nazoratini kuchaytirish maqsadida 2024-yil 1-oktyabrdan davlat buyurtmachilari tomonidan to'g'ridan-to'g'ri shartnomalar ular tuzilishidan oldin kamida 1 ish kuni, shuningdek, tender savdolari natijalariga ko'ra rasmiylashtirilgan bayonnomalar davlat xaridlari maxsus axborot portaliga joylashtirish orqali kamida 2 ish kuni davomida jamoatchilik muhokamasidan o'tkaziladi.
S.BERDIQILICHOV,
Boshqa maqolalar
ENG OG‘IR AHVOLDAGI 1000 TA MAHALLA INFRATUZILMASI
“ Kambag ' allikdan farovonlik sari ” dasturini amalga oshirish bo ' yicha birinchi navbatdagi chora - tadbirlar to ' g...
TA’LIM KREDITINI MY.GOV.UZ ORQALI OLISH MUMKIN
Qonunchilikka ko‘ra, 2024/2025 o‘quv yilidan oliy va professional ta’lim tashkilotlarining talaba va o‘quvchilariga...
BILASIZMI?
Qonunchilikka muvofiq, "Fermerlar maktabi"da paxta maydonlari va intensiv mevali bog'larda asalarilar bilan...