DAVLAT MULKINI IJARAGA BERISHDA QONUN BUZILISHI UCHUN MA’MURIY JAVOBGARLIK BELGILANMOQDA
Oʻzbekiston Respublikasining Prezidenti tomonidan 19.06.2024-yildagi “Davlat mulkini ijaraga berish sohasidagi qonunchilikni buzganlik uchun javobgarlik kuchaytirilishi munosabati bilan Oʻzbekiston Respublikasining Ma’muriy javobgarlik toʻgʻrisidagi kodeksiga qoʻshimchalar kiritish haqida”gi OʻRQ-933-son Qonun imzolandi.
MJtKda davlat mulkini ijaraga berish sohasidagi qonunchilikni buzganlik uchun javobgarlik belgilanmoqda. Bunday huquqbuzarliklarga:
davlat mulkini ijara shartnomasini tuzmasdan ijaraga berish;
ijaraga olingan davlat mulkini qabul qilib olishda, ijara munosabatlarining obyekti hududiga kirishda va undan foydalanishda ijaraga oluvchiga asossiz ravishda toʻsqinlik qilish;
ijaraga berilayotgan davlat mulkining parametrlari va sonini ijara shartnomasida notoʻgʻri koʻrsatgan holda davlat mulkini ijaraga berish kiradi.
Jazo tariqasida mansabdor shaхslarga BHMning 5 baravaridan 10 baravarigacha jarima belgilangan. Huquqbuzarlik takroran sodir etilganda BHMning 10 baravaridan 15 baravarigacha miqdorda jarima toʻlanadi.
T. O‘RAZBOYEV,
Tuproqqal’a tumani yuridik xizmat ko‘rsatish markazi bosh yuriskonsulti.
Boshqa maqolalar
FUQARONI VAFOT ETGAN DEB E’LON QILISH
O‘zbekiston Respublikasi Fuqarolik kodeksining 36-moddasiga ko`ra, agar fuqaroning qayerda turganligi haqida uning...
BILASIZMI?
O‘zbekiston Respublikasi qonun bilan tasdiqlanadigan o‘z davlat ramzlari – bayrog‘i, gerbi va madhiyasiga ega. Davlat...
TOʻLOV TIZIMLARINING ХAVFSIZLIGI QANDAY TA’MINLANADI?
Markaziy bank boshqaruvining 21.05.2024 yildagi 3513-son li buyrugʻi bilan Toʻlov tizimlari operatorlari va toʻlov х...