TUNGI VAQTDAGI ISHNING DAVOMIYLIGI
Soat 22-00 dan to soat 6-00 gacha bo‘lgan vaqt tungi vaqt hisoblanadi.
Agar xodim uchun belgilangan har kungi ish (smena) davomiyligining kamida yarmi tungi vaqtga to‘g‘ri kelsa, tungi vaqtdagi ishning davomiyligi ish haftasining davomiyligi tegishli ravishda qisqartirilgan, keyinchalik ishlab berilmagan holda 1 soatga qisqartiriladi.
Agar jamoa shartnomasida boshqacha qoida nazarda tutilmagan bo‘lsa, ish vaqtining qisqartirilgan davomiyligi belgilangan xodimlar uchun, shuningdek tungi vaqtda ishlashga maxsus qabul qilingan xodimlar uchun tungi vaqtdagi ishning (smenaning) davomiyligi qisqartirilmaydi.
Mehnat sharoitlariga ko‘ra zarur bo‘lgan hollarda, shuningdek 6 kunlik ish haftasidagi smenali ishlarda tungi vaqtdagi ishning davomiyligi kunduzgi vaqtdagi ishning davomiyligi bilan tenglashtiriladi. Mazkur ishlar ro‘yxati jamoa shartnomasida, agar u tuzilmagan bo‘lsa, ish beruvchi tomonidan kasaba uyushmasi qo‘mitasi bilan kelishuvga ko‘ra belgilanishi mumkin.
Xodimlarni tungi vaqtdagi ishga jalb etish ushbu Kodeks 396-moddasining ikkinchi qismida, 417-moddaning birinchi qismida va 428-moddasida belgilangan cheklovlarga rioya etilgan holda amalga oshiriladi.
T. O‘RAZBOYEV,
Tuproqqal’a tumani yuridik xizmat ko‘rsatish markazi bosh yuriskonsulti.
Boshqa maqolalar
JISMONIY SHAXSLARGA DAVLAT HISOBIDAN YURIDIK YORDAM
Hukumat Qarori (774-son, 21.11.2024-y.) bilan Davlat hisobidan yuridik yordam ko'rsatadigan advokatlarni jalb etish va...
DRESS-KODNI BUZGANLIK UCHUN MEHNAT SHARTNOMASINI BEKOR
Kiyimning belgilangan shakliga e’tibor bermaslik хodim bilan qonuniy ravishda хayrlashishlariga olib kelishi mumkin....
MAʼMURIY SUDLARDA DAVLAT BOJINI OLDINDAN UNDIRISH BEKOR
Prezident tomonidan 16.01.2024-yildagi “Davlat boji toʻgʻrisida”gi “Oʻzbekiston Respublikasi Qonuniga maʼmuriy sudlarga...