O‘ZBEKISTON DAVLAT SPORT AKADEMIYASI TASHKIL ETILADI
“O'zbekiston davlat sport akademiyasi faoliyatini tashkil qilish chora-tadbirlari to'g'risida”gi Prezident Qarori (PQ-197-son,) qabul qilindi.
Qarorga ko'ra, Oliy sport mahorati instituti negizida O'zbekiston davlat sport akademiyasi (Akademiya) tashkil etiladi.
Quyidagilar 2025/2026 o'quv yilidan Akademiya huzuriga o'tkaziladi:
🔹Jismoniy tarbiya va sport ilmiy tadqiqotlar instituti;
🔹Jismoniy tarbiya va sport bo'yicha mutaxassislarni qayta tayyorlash va malakasini oshirish instituti hamda uning tegishli filiallari.
Sport sohasida natijalari yuqori bo'lgan davlatlarning yetakchi oliy sport-ta'lim tashkilotlari tajribasi asosida zamonaviy kadrlarni tayyorlash Akademiyaning asosiy vazifalaridan biri etib belgilandi.
Akademiya tizimida davlat muassasasi shaklidagi Davlat sport tibbiyoti ilmiy-amaliy markazi tashkil etiladi.
Davlat sport tibbiyoti ilmiy-amaliy markazi sport tibbiyoti sohasida yagona davlat siyosatini amalga oshiruvchi, sport turlari bo'yicha O'zbekiston milliy terma jamoalari a'zolarini tibbiy jihatdan musobaqalarga tayyorlashni tashkil qiluvchi davlat tibbiyot muassasasi hisoblanadi.
Sportchilarga xorijiy tillar va O'zbekiston tarixini chuqurlashtirilgan holda o'rgatish maqsadida Akademiya tuzilmasida Axborot-kutubxona markazini o'z ichiga oluvchi yuridik shaxs maqomiga ega bo'lmagan O'zbekiston tarixi va xorijiy tillarni o'qitish markazi tashkil etiladi.
J.OTAJONOV,
Urganch tumani yuridik xizmat ko‘rsatish markazi boshligʻi.
Boshqa maqolalar
JAVOBGARLIKNI OG‘IRLASHTIRUVCHI HOLATLAR
personmaftuna 28-09-24, 00:43O‘zbekiston Respublikasining ma’muriy javobgarlik to‘g‘risidagi kodeksida, ma’muriy huquqbuzarlik uchun jazoni qo‘llash...
QUROLGA RUХSATNOMA QANDAY OLINADI?
personmaftuna 05-08-24, 17:33Vazirlar Mahkamasining 29.06.2024-yildagi “Qurol muomalasi sohasida litsenziyalash va ruхsat berish tartib-taomillari...
“MAHALLA YETTILIGI”
personmaftuna 28-03-24, 01:57O‘zbekiston Respublikasi Vazirlar Mahkamasining 2024-yil 15-martdagi 137-son qarori bilan tasdiqlangan Hokim...