FUTZAL BO‘YICHA JAHON CHEMPIONATI YUQORI DARAJADA TASHKIL ETILADI
“2024-yilgi futzal bo'yicha Jahon chempionatiga tayyorgarlik ko'rish va o'tkazish chora-tadbirlari to'g'risida”gi Prezident Qarori (PQ-195-son,) qabul qilindi.
🔰Qarorga ko'ra, Andijon, Buxoro hamda Toshkent shaharlarida 2024-yil
14-sentyabr – 6-oktyabr kunlari bo'lib o'tadigan 2024-yilgi futzal bo'yicha Jahon chempionatiga munosib tayyorgarlik ko'rish, uni yuqori darajada tashkil etish va o'tkazish maqsadida quyidagilar tasdiqlandi:
🔹2024-yilgi futzal bo'yicha Jahon chempionatiga tayyorgarlik ko'rish va o'tkazish bo'yicha tashkiliy qo'mita tarkibi;
🔹2024-yilgi futzal bo'yicha Jahon chempionatiga tayyorgarlik ko'rish va o'tkazish bo'yicha chora-tadbirlar rejasi.
Shuningdek, 2024-yil iyun va avgust oylarida Jahon chempionati bosh sovrini – Jahon kubogini ommaga tanishtirish uchun respublika bo'ylab “Trophy experience” futzal turi marshruti ishlab chiqiladi va amalga oshiriladi.
Jahon chempionatida akkreditatsiyadan o'tgan shaxslarni identifikatsiyalovchi va chiptalarni zamonaviy texnologiyalar (QR-kod) yordamida ro'yxatga oluvchi va tekshiruvchi maxsus onlayn platforma ishlab chiqiladi.
2024-yil avgust – oktyabr oylarida Jahon chempionatida akkreditatsiyadan o'tgan shaxslar, shuningdek, Jahon chempionati o'yinlariga chiptalari mavjud bo'lgan xorijiy va mahalliy muxlislar uchun temir yo'l chiptalariga 50 foiz miqdorida chegirmalar joriy qilinadi.
Jahon chempionatida akkreditatsiyadan o'tgan shaxslar hamda o'yin kunlari chiptalari mavjud bo'lgan shaxslar uchun jamoat transport vositalaridan (avtobus, metro) bepul foydalanish imkoniyati yaratiladi.
J.OTAJONOV,
Urganch tumani yuridik xizmat ko‘rsatish markazi boshligʻi.
Boshqa maqolalar
QANDAY QILIB KICHIK BIZNESNI QOʻLLAB-QUVVATLASH DASTURI
personmaftuna 21-03-24, 11:38Vazirlar Mahkamasining 20.01.2024-yildagi 37-son qarori bilan Kichik biznesni uzluksiz qoʻllab-quvvatlash kompleks...
TAMAKI MAHSULOTLARINI QONUNGA XILOF RAVISHDA ISHLAB
personmaftuna 29-04-24, 01:40Qonunchilikka ko‘ra, tamaki mahsulotlarini qonunga xilof ravishda ishlab chiqarish yoki muomalaga kiritish ancha...
YOSHLARGA MO‘LJALLANGAN BADIIY ASARLAR MUALLIFLRI
personmaftuna 17-02-24, 00:04Qonunchilikka ko'ra, har yili yoshlarga mo'ljallangan badiiy asarlar mualliflarini rag'batlantirish maqsadida "Bolalar...