VAQTINCHA YASHOVCHILAR
Ijaraga oluvchi va u bilan birga doimiy yashaydigan fuqarolar umumiy kelishuvga binoan va ijaraga beruvchini oldindan xabardor qilgan holda vaqtincha yashovchilarga uy-joyda bepul yashab turishlari uchun ruxsat etishga haqlidirlar.
Qonunchilikning jon boshiga to‘g‘ri keladigan uy-joy maydoni normasi haqidagi talablariga rioya etilmasa, ijaraga beruvchi vaqtincha yashovchilarning yashab turishlarini taqiqlab qo‘yishi mumkin.
Fuqarolik Kodeksining 609-moddasida vaqtincha yashovchilarning yashab turish muddati 6 oydan oshmasligi kerakligi belgilangan. Vaqtincha yashovchilar uy-joydan foydalanishda mustaqil huquqqa ega bo‘lmaydilar.
Ularning xatti-harakatlari uchun ijaraga beruvchi oldida ijaraga oluvchi javobgardir.
Vaqtincha yashovchilar ular bilan kelishilgan yashab turish muddati o‘tganidan keyin, agarda bunday muddat kelishilmagan bo‘lsa, ijaraga oluvchi yoki u bilan birga doimiy yashaydigan har qanday fuqaro tomonidan tegishli talab qo‘yilgan kundan e’tiboran ko‘pi bilan 7 kun ichida uy-joyni bo‘shatishlari shart.
M.SODIQOVA,
Tuproqqal’a tumani yuridik xizmat ko‘rsatish markazi bosh yuriskonsulti.
Boshqa maqolalar
SUD QARORINI IJRO ETMASANGIZ JARIMA NAQD !
O‘zbekiston Respublikasining ma'muriy javobgarlik to‘g‘risidagi kodeksining 198 prim 1-moddasiga binoan bazaviy...
MAKTABLARDA “HUQUQIY SINFLAR” TASHKIL ETILADI
O‘zbekiston Respublikasi Vazirlar Mahkamasining 27.08.2024-yildagi "Davlat ta’lim muassasalarida uzluksiz huquqiy...
IJTIMOIY HIMOYAGA MUHTOJ AHOLI QATLAMINING MANZILLI VA
Prezident tomonidan imzolangan Qonun (OʻRQ-977-son, 18.10.2024 y.) bilan ayrim qonun hujjatlarga oʻzgartirish va...