КАФИЛЛИКДАН ЧИҚИШ МУМКИНМИ?

          Кредит олиш учун сиздан кафил бўлишингизни сўрашганда йўқ дея олмай рози бўлдингиз. Аммо вазият бироз ўзгариб, кафил бўлишдан бош тортмоқчисиз. 

        Кафил бўлишни режалаштирганлар шуни билишлари керакки, банк билан шартномани фақатгина қарз олувчи ва кредиторнинг розилиги билан бекор қилиш мумкин, бироқ банк ва қарз олувчи кўп ҳолларда бунга рози бўлмайди.

Кафиллик қачон бекор қилиниши мумкин?

- кредитор олдидаги мажбурият тўлиқ бажарилганлигида;

- мажбурият кафилнинг розилигисиз ўзгартирилганда (фоиз ставкаси ёки кредит миқдори оширилса);

- кафиллик шартномасининг амал қилиш муддати тугаганда;

- банк кафилнинг розилигисиз қарзни бошқа шахсга ўтказганда.

Янгибозор тумани юридик хизмат кўрсатиш маркази.