Kuzatuvchi » Siyosiy » . TAVAKKALCHILIKKA ASOSLANGAN O‘YINLARNI TASHKIL ETISH VA BUKMEKERLIK FAOLIYATINI AMALGA OSHIRISHGA RUXSAT ETILADI

. TAVAKKALCHILIKKA ASOSLANGAN O‘YINLARNI TASHKIL ETISH VA BUKMEKERLIK FAOLIYATINI AMALGA OSHIRISHGA RUXSAT ETILADI

Lotereyalar va tavakkalchilikka asoslangan o‘yinlarni tashkil etish va o‘tkazishni tartibga solishni takomillashtirish chora-tadbirlari to‘g‘risida”gi Prezident Farmoni (PF-68-son, 19.04.2024 y.) qabul qilindi.

Farmonga ko‘ra, 2025-yil 1-yanvardan:

  • internet tarmog‘ida tavakkalchilikka asoslangan o‘yinlarni tashkil etish faoliyatini va bukmekerlik faoliyatini amalga oshirishga ruxsat etiladi;
  • lotereya, internet tarmog‘ida o‘yinlar va bukmekerlikni tashkil etish faoliyatlari qonunchilikka muvofiq Istiqbolli loyihalar milliy agentligi (vakolatli organ) tomonidan beriladigan litsenziyalar asosida amalga oshiradi.

Litsenziyalar asosida tashkillashtirilgan lotereya, internet tarmog‘idagi o‘yinlar va bukmekerlik garovlarida faqat 18 yoshga to‘lgan O‘zbekiston rezidenti va norezidentlari qatnashishi mumkin.

2025-yil 1-yanvardan 5 yil muddatga lotereya hamda internet tarmog‘ida o‘yinlarni tashkil etish faoliyatini va bukmekerlik faoliyatini soliqqa tortishning quyidagilarni nazarda tutuvchi tartibi belgilanadi:

  • lotereya, internet tarmog‘ida o‘yinlarni tashkil etish faoliyatini yoki bukmekerlik faoliyatini amalga oshirayotgan yuridik shaxslar lotereya, internet tarmog‘ida o‘yinlarni tashkil etish faoliyatidan yoki bukmekerlik faoliyatidan olingan jami daromadidan to‘langan yutuqlar va qaytarilgan stavkalar chegirilgan holda 4 foiz stavkasida aylanmadan olinadigan soliq to‘lovchilari hisoblanadi; 
  • jismoniy shaxslarning Agentlik tomonidan berilgan litsenziyalar asosida o‘tkaziladigan lotereyalar hamda internet tarmog‘idagi o‘yinlardan va bukmekerlik garovidan olingan yutuqlar sifatidagi daromadlari daromad solig‘i to‘lashdan ozod etiladi. 

Lotereya va internet tarmog‘ida o‘yinlar, bukmekerlik faoliyati tashkilotchilarining jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurollarini tarqatishni moliyalashtirishga qarshi kurashish to‘g‘risidagi qonunchilik hujjatlariga rioya etishini monitoring va nazorat qilish funksiyalari Agentlik va Bosh prokuratura huzuridagi Iqtisodiy jinoyatlarga qarshi kurashish departamenti tomonidan amalga oshiriladi.

 

Bahodir YUSUPOV, 

Qo‘shko‘pir tumani yuridik xizmat ko‘rsatish markazi boshlig‘i.

Boshqa maqolalar

DAVLAT FUQAROLIK XIZMATCHISI TOMONIDAN XALQARO VA BOSHQA

personmaftuna 19-01-24, 17:30
0 DAVLAT FUQAROLIK XIZMATCHISI TOMONIDAN XALQARO VA BOSHQA RASMIY TADBIRLARDA SOVG‘A OLISH TARTIBI

Davlat fuqarolik xizmatchisi O‘zbekistondan tashqaridagi xizmat safarlari, xalqaro va boshqa rasmiy tadbirlar,...

FERMERLARNING HOSIL SUG‘URTASI BO‘YICHA HARAJATLARI QISMAN

personmaftuna 05-08-24, 18:36
0 FERMERLARNING HOSIL SUG‘URTASI BO‘YICHA HARAJATLARI QISMAN QOPLAB BERILADI

Vazirlar Mahkamasining 02.07.2024-yildagi “Qishloq х oʻjaligi subyektlariga qishloq х oʻjaligi ekinlari hosilini...

HUDUDLARDA “IT-SHAHARCHA”LAR TASHKIL ETILADI

personmaftuna 24-06-24, 10:07
0 HUDUDLARDA “IT-SHAHARCHA”LAR TASHKIL ETILADI

O‘zbekiston Respublikasi Prezidentning 15.05.2024-yildagi “Hududlarda yoshlarga raqamli teхnologiyalar va хorijiy...

menu
menu